Prentis Gwaith Ieuenctid
Gwasanaeth Gwybodaeth Ieuenctid y Basement a Menter Iaith Sir Caerffili
£13,589 - £15,444
Llawn Amser / Cyfnod penodedig
Dyddiad cau : 10/02/2012

Mae’r cynllun Prentisiaeth Cenedlaethol yn swydd sydd wedi’i ariannu yn llawn, sy’n ffocysu ar ddarparu cyfleoedd i’r rheini sydd ddim mewn addysg, cyflogaeth neu hyfforddiant gyda ffocws ychwanegol ar rheini sy’n gadael ysgol, ond gall rhywun o unrhyw oedran ymgeisio.
Mae’r cyllid wedi’i dargedu tuag at unigolion sydd heb gymwysterau yn uwch na Lefel 1 ar y fframwaith Cymwysterau gan fod y swydd wedi’i anelu at berson sy’n gallu dilyn Rhaglen Prentisiaeth Lefel 2/3.
Mae 2 swydd ar gael ar hyn o bryd ac fe fydd yr ymgeiswyr llwyddiannus yn gweithio ar y cyd a gweithwyr ieuenctid cymwysedig o fewn amrywiaeth o sefyllfaoedd gwaith ieuenctid ac fe fydd angen cwblhau cymwysterau sylfaenol mewn Gwaith Ieuenctid, TG, Sgiliau Sylfaenol a meysydd eraill.

Wrth gefnogi gweithwyr ieuenctid eraill, fe fydd yr ymgeiswyr llwyddiannus yn gweithio gyda phobl ifanc eraill er mwyn darparu ystod eang o gyfleoedd gwaith ieuenctid.

Mae’r swydd ar gyfer cyfnod penodedig hyd at fis Mawrth 2013. Mae’r oriau gweithio yn hyblyg ac yn cynnwys gwaith yn ystod y nos ac ar benwythnosau.

Fe fydd un o’r swyddi yn cefnogi gwaith ieuenctid cyfrwng Cymraeg yn yr ardal a chroesawir ymgeiswyr sy’n siarad Cymraeg.

Bwriad y cyfle prentisiaeth hwn yw darparu cefnogaeth cyfoed ar gyfer pobl ifanc eraill oddi wrth bobl ifanc.

Os hoffech sgwrs anffurfiol ar ôl darllen y Disgrifiad Swydd a’r Manyleb Person cysylltwch â Paul O’Neill ar 01443 863197.
Er mwyn cael Ffurflen Gais, Disgrifiad Swydd a Manyleb Person ewch at wefan Cyngor Bwrdeistref Sirol Caerffili www.caerffili.gov.uk

Gydag ychydig dros wythnos i fynd cyn y Nadolig, cynhaliwyd Cylch Cinio Nadolig y Fenter yn nhafarn Pontygwindy, Caerffili eleni.

Roedd Derek wedi addo 10cm o eira y bore hwnnw, ond wrth lwc, roedd hi’n ddiwrnod gweddol braf er ei fod yn oer.

Mwynheuodd pawb yr awyrgylch nadoligaidd, y sgwrsio cyfeillgar a chwarae ag iPad.

Gellir gweld lluniau a dynnwyd yma.

Mae staff ac aelodau pwyllgor y Fenter yn dymuno Nadolig Llawen iawn a Blwyddyn Newydd dda i chi i gyd.

Bydd cefnogwyr yr iaith Gymraeg wrth eu boddau yn deall bod yr arian y bu RhAG yn ymladd amdano ar gyfer datblygu Sant Ilan yn Ysgol Uwchradd Gymraeg wedi bod yn llwyddiannus. Cyhoeddodd y Gweinidog dros Addysg a Sgiliau heddiw y byddai £92 miliwn ar gael i Gaerffili ar gyfer amryw brosiectau, a hwn yw'r cynllun sydd ar y brig. Diolch i bawb sydd wedi cyfrannu tuag at y fuddugoliaeth hon.

* Dewch i Chwarae Aberbargoed, clwb rhiant a phlentyn - arweinydd newydd - Claire, arweinydd Cylch Meithrin Aberbargoed. Dyddiad newydd - bob Dydd Iau, tymor yr ysgol 12.15-1.45pm.

* Dewch i Chwarae Llanbradach, clwb rhiant a phlentyn - arweinydd newydd Teifi. Cwrdd bob yn ail Ddydd Mercher, tymor yr ysgol 10-11am, clwb nesaf 16/11/11.

* Dewch i Chwarae Penyrheol, clwb rhiant a phlentyn - arweinydd newydd Jess. Cwrdd bob yn ail Ddydd Mawrth, tymor yr ysgol 10.15-11.15am, clwb nesaf 08/11/11.

* Dewch i Chwarae Ysgol y Castell, clwb rhiant a phlentyn - arweinydd newydd Jess. Cwrdd bob Dydd Iau, tymor yr ysgol 1-2.30pm.

* Dewch i Chwarae Penwythnos - sesiwn nesaf nos Wener 18/11/11 4-6pm Crossways Caerffili. Parti Plant Mewn Angen.

* Parti Nadolig Dewch i Chwarae 10/12/11 10am-12pm Crossways Caerffili. Dewch i gwrdd a Sion Corn.

* Cylch Meithrin newydd sbon - Parc Waunfawr yn agor Dydd Llun 07/11/11. Am fwy o wybodaeth cysylltwch a Nia Parker 07792948882.

Ar hyn o bryd mae Ambiwlans St John Cymru yn cynnig hyfforddiant cyfrifiaduron a chymorth cyntaf i bobl ddi-waith dros 50 oed. I weld os ydych chi'n gymwys i dderbyn hyfforddiant am ddim, cysylltwch â Maria Thomas ar 07990 835 995 neu e-bostiwch maria.thomas@stjohnwales.org.uk

Mae Cân i Gymru yn chwilio am gyfansoddwyr talentog sydd am gymryd rhan yn y gystadleuaeth yn 2012. Ar wahân i ennill y teitl nodedig caiff ennillydd y gystadleuaeth wobr o £7,500 a chyfle i gynrychioli Cymru yn yr Ŵyl Ban Geltaidd. Os ydych chi'n cyfansoddi caneuon, neu yn adnabod rhywun sy'n gwneud, cysylltwch ag Avanti Media ar 02920 838149 neu e-bostiwch canigymru@avantimedia.tv i fod yn rhan o'r gystadleuaeth. Y dyddiad cau yw'r 9fed o Ionawr 2012.

Cynhaliwyd Ffair Nadolig y Fenter yn Llancaiach Fawr ar y 26ain o Dachwedd ac roedd hi'n boblogaidd a llwyddiannus dros ben. Cawsom dros 600 o ymwelwyr a deithiodd o bob ardal yn Sir Caerffili i ddod i'r Ffair. Roedd yr awyrgylch yn hyfryd, gyda dros 25 o stondinau crefft gan bobl leol yn gwerthu anrhegion Nadolig unigryw, sioe hud gan Jase the Ace, Heini o S4C, cerddoriaeth delyn gan Bethan Nia a pherfformiadau gwych gan Ysgol Gymraeg Cwm Derwen, Ysgol Gymraeg Trelyn ac Ysgol Penalltau. Mae'r Fenter yn ddiolchgar iawn i bawb a ddaeth i ymweld â'r Ffair, i'r Ysgolion am ddod i berfformio, i'r stondinwyr am ddod â chrefftau hyfryd ac i'r gwirfoddolwyr a'r staff am eu gwaith caled. Dymunwn Nadolig llawen a blwyddyn newydd dda i bawb.

Daeth griw da i noson gwis y Fenter neithiwr yn nhafarn y Cwrt Rawlin yng Nghaerffili, gan gynnwys pobl leol a myfyrwyr o Goleg Llandrillo ger Y Rhyl. Mae'r myfyrwyr yn ymweld â'r ardal ar hyn o bryd fel rhan o gynllun cyfnewid â Choleg Ystrad Mynach. Emily oedd y gwisfeistres unwaith eto ac roedd gwledd o gwestiynau ar y newyddion, adloniant, chwaraeon, cerddoriaeth a gwybodaeth gyffredinol. Er mwyn dathlu Cwpan Rygbi'r Byd, roedd rownd o luniau i ymwneud â rygbi, gan gynnwys lluniau o wynebau dyfarnwyr a chwaraewyr adnabyddus hen a newydd. Enillwyr y Cwis oedd tîm 'Y Ford Gron' yn sgorio 46 o bwyntiau allan o 51 - da iawn nhw! Gobeithiwn gynnal gwis arall yng Nghaerffili ym mis Ionawr felly cadwch lygad ar wefan y Fenter am ragor o fanylion.