Menter Caerffili
YMCA Bargod,
Aeron Place,
Gilfach Fargod, Bargod, CF81 8QE

Ffôn: 01443 820913

Blwyddyn Newydd Dda i chi i gyd!

Gobeithio i chi fwynhau’r Nadolig ac eich bod wedi dychwelyd yn iach i’r gwaith wedi’r wyl. Diolch i bawb a fynychodd Cyngerdd Nadolig Ysgol Gyfun Cwm Rhymni ac a ymunodd gyda’r Fenter am luniaeth wedi’r cyngerdd. Daeth nifer sylweddol i’r festri yng Nghapel Tonyfelin a nododd pawb pa mor dda oedd y cyfle i gwrdd a chael sgwrs. Mae’n bosib y bydd hwn yn ddigwyddiad blynyddol wedi llwyddiant y syniad eleni. Hoffwn ddiolch i bwyllgor y Fenter am ei gwaith sylweddol wrth baratoi a darparu’r lluniaeth ac i Ysgol Gyfun Cwm Rhymni a Chapel Tonyfelin am eu cefnogaeth.

Cinio Gwyl Ddewi

Clybiau Carco

Erbyn hyn mae clybiau Carco Bro Allta ac Ysgol y Castell yn ffynnu ac yn llwyddiant ysgubol. Fe fydd Clwb Carco Gilfach yn agor ar gychwyn mis Ionawr a phob lwc felly i staff a rhieni’r Clwb ar gychwyn y prosiect newydd. Bwriedir agor Clwb Carco Ifor Bach mor fuan â phosib. Rydym wrthi’n chwilio am staff i redeg y Clwb – ceir manylion y swyddi yn yr hysbyseb isod.

CIC – Cynllun Ieuenctid Sir Caerffili

Mae ein Swyddog Ieuenctid, James Williams wrthi’n datblygu’r Cynllun hwn ar gyfer ieuenctid oedran uwchradd a hyn, ar draws y sir – ieuenctid iaith gyntaf ac ail iaith. Mae James eisoes wedi ailgychwyn Aelwyd yr Urdd yn yr YMCA yn Gilfach ar gyfer blynyddoedd 7&8. Lansiwyd yr Aelwyd gyda disgo Nadolig a daeth dros 40 o bobl ifanc. Fe fydd yr Aelwyd yn cwrdd pob nos Wener am 7:15-8:45pm. Fe fydd aelodau o 6ed dosbarth Ysgol Cwm Rhymni yn rhedeg y clwb yn ogystal â gweithiwr ieuenctid.

Mae angen pobl i gynorthwyo yn yr Aelwyd felly os oes unrhyw un a diddordeb mewn cynorthwyo yn yr Aelwyd, efallai ar system rota yna cysylltwch a’r Fenter.

Yn ogystal, aeth James i Langrannog am wythnos gyda disgyblion a staff Ysgol Cwm Rhymni. Bu’n gyfle i ddod i adnabod pawb ac erbyn hyn mae rôl bwysig iawn gyda James o fewn yr ysgol.

Fe fydd James hefyd yn gweithio gyda ieuenctid ysgolion Saesneg y sir. I’r diben hwn fe fydd noson gwis ar gyfer 6ed dosbarth yr ysgolion hyn, yn arbennig y rheini sy’n dilyn Cymraeg ar gyfer Lefel A. Fe fydd y cwis yn y Cedar Tree ar nos Fercher Ionawr 23ain am 7:00pm ond fe fydd cyfle cyn i’r cwis cychwyn i ddod cyn y cwis i glywed am CIC a gwaith James.

Swyddi Clybiau Carco

Prif Weithiwr Chwarae i weithio yng Nghlwb Carco Ysgol Ifor Bach,

Dydd Llun – Ddydd Gwener : 3:30pm-6:00pm. £7 yr awr

Dylid cael cymwysterau gofal plant a phrofiad sylweddol o weithio gyda phlant.

Gweithiwr Chwarae i weithio yng Nghlwb Carco Ifor Bach.

Dydd Llun – Ddydd Gwener : 3:30pm-6:00pm. £5 yr awr

Dylid cael profiad o weithio gyda phlant.