Menter Caerffili - Welsh Language Initiative

Cynhaliwyd Brecwast Busnes gan Fenter Iaith Caerffili yng Ngwesty a Chlwb Golff Bryn Meadows ar fore Llun y 6ed o Hydref. Dyma'r cyfarfod cyntaf o'i fath yn y sir ble mae aelodau o'r gymuned busnes wedi dod at eu gilydd i rwydweithio drwy gyfrwng y Gymraeg. Fe’i mynychwyd gan siaradwyr Cymraeg a phobl di-Gymraeg o 18 o fusnesau lleol a chyrff cyhoeddus.

Fe gafwyd cyflwyniad ar fanteision defnyddio'r Gymraeg mewn busnes gan Rhys Wynne, Swyddog Cyswllt Busnes y Fenter, a hefyd roedd tiwtoriaid o Goleg Gwent wrth law i ddarparu gwybodaeth am gyrsiau 'Cymraeg yn y Gweithle'.
Roedd yr adborth ar y diwedd yn bositif dros ben, gyda'r rhai a fynychodd yn credu ei fod wedi bod o fudd iddynt ac y byddant yn hoffi gweld digwyddiad o'r fath yn cymeryd lle yn rheolaidd yn y dyfodol.
Mae rhestr o'r busnesau a'r sefydliadau a oedd yn bresennol i'w gweld isod:

1001 Security Systems (Bedwas)
Bwrdd yr Iaith Gymraeg
Caerphilly Tourism Association
Charles, Crookes & Jones (Caerffili)
Coleg Gwent
Community Connect (Wales) Ltd (Penpedairheol)
Cyngor Bwrdeistref Sirol Caerffili
E H Jones (Ystrad Mynach)
G. Ap (Nelson)
HSBC
Jenkins Newman Partnership (Caerffili & Nelson)
Nat West
Newport & Gwent Enterprise
Patchell Davies (Y Coed Duon)
Sefydliad y Glowyr Y Coed Duon
Specsavers (Y Coed Duon)
Springbok IT Solutions (Cwmfelinfach)
Team Coaching Network (Bedwas)

Os hoffai eich busnes neu eich sefydliad chi ddod i'n digwyddiad busnes nesaf, cysylltwch â Rhys Wynne. rhyswynne@mentercaerffili.org
Ffôn:01443 820913

Cyrsiau i Hybu Ymddygiad Entrepreneuraidd
Mae Menter a Busnes drwy gynllun Potentia wedi datblygu cyfres o gyrsiau newydd a chyffrous wedi’u hanelu at annog pobl i ymddwyn mewn ffordd mwy mentrus, boed hynny yn y gweithle, yn eu bywyd o ddydd i ddydd, neu mewn menter fusnes newydd.
Cynhaliwyd dwy noson Potentia yng Ngwesty Bryn Meadows, Maesycwmmer ym mis Tachwedd ble cafwyd llawer o hwyl ond hefyd dysgodd bawb llawer am eu hunain. Mae’r cwrs yn gwneud i chi feddwl yn bositif am eich gallu ac yn ysgogi brwdfrydedd. Mae disgrifiad byr am y ddau gwrs islaw.

Deffro'r Ysbryd Mentrus
Mae’ch dyfodol yn eich dwylo chi eich hunan. Cwrs cychwynnol wedi’i anelu at ddeffro’r awydd i ymddwyn yn fwy mentrus ac i ymgymryd â hyfforddiant pellach.

Cyfathrebu a Dylanwadu
Y bwriad yw dod i adnabod egwyddorion sylfaenol sgiliau cyfathrebu a dylanwadu – sgiliau hanfodol i fywyd pob dydd yn ogystal â byd busnes.

Bydd Menter Iaith Caerffili yn trefnu rhagor o gyrsiau yn y flwyddyn newydd, Mae’r nosweithiau yn anffurfiol dros ben, am ddim ac mae croeso i unrhyw un fynychu. Os hoffech chi wybod mwy am y cyrsiau neu eich bod â diddordeb mewn mynychu un o’r nosweithiau, cysylltwch â Rhys Wynne yn swyddfa’r Fenter.

Dau Gwmni yng Nghaerffili sy'n
defnyddio'r Gymraeg

Sefydlwyd Menter Iaith Bwrdeistref Sirol Caerffili ym mis Rhagfyr 1999 er mwyn codi proffil yr iaith Gymraeg ar draws y Sir ym mhob agwedd o fywyd y gymuned. Y mae'r Fenter yn hyrwyddo'r iaith Gymraeg drwy weithio mewn partneriaeth gyda chymdeithasau, sefydliadau, busnesau, dysgwyr, pobl ifanc ac ysgolion yr ardal. Amcan y Fenter yw cynyddu'r cyfleoedd i bobl yr ardal ddefnyddio'r iaith Gymraeg mewn amrywiaeth o ffyrdd.

Sicrhaodd Deddf yr Iaith Gymraeg 1993 fod yr iaith Gymraeg yn cael ei thrin yn gyfartal â'r iaith Saesneg yn y sector gyhoeddus. Er nad oes gorfodaeth ar y sector preifat i gynnig gwasanaeth dwyieithog, mae galw cynyddol am wasanaeth dwyieithog yn y sector preifat.

Gall Menter Iaith helpu eich sefydliad gyflwyno gwasanaeth dwyieithog gan ddefnyddio dulliau syml ac ymarferol yn rhad, neu'n rhad ac am ddim. Does dim angen i chi newid popeth, dim ond chwilio am gyfleoedd i gyflwyno gwasanaeth dwyieithog yn raddol. Daw'r newid bychan hwn â llawer o les i'ch cwmni, a hyd yn oed os nad yw eich staff yn rhugl yn y Gymraeg, bydd cwsmeriaid yn gwerthfawrogi eich ymdrechion.

Manteision i'r cwmni yw creu ewyllys da a ffyddlondeb ymysg eich cwsmeriaid presennol, a darparu pwynt gwerthu unigryw fel mantais farchnata ar gyfer denu cwsmeriaid newydd. Dengys ymchwil fod yn well gan siaradwyr Cymraeg wneud busnes gyda sefydliadau sy'n cynnig gwasanaethau dwyieithog.

Y mae'r Fenter Iaith yn fodlon rhoi cyhoeddusrwydd yn rhad ac am ddim i sefydliadau sydd yn, neu'n bwriadau cynnig gwasanaeth dwyieithog. Bydd Menter Iaith Sirol Caerffili yn cynnig cyrsiau hyfforddiant yn rhad ac am ddim i sefydliadau sy'n darparu gwasanaeth dwyieithog.

Nid yw'r Fenter Iaith yn gofyn am unrhywbeth mewn tâl am y gwasanaeth hwn. Ariennir y Fenter gan Fwrdd yr Iaith Gymraeg a Chyngor Bwrdeistref Sirol Caerffili. Hoffai'r Fenter gynnig cyfleoedd i bobl o bob oedran gymdeithasu a gwneud busnes drwy gyfrwng y Gymraeg. Os oes gennych ddiddordeb mewn datblygu gwasanaeth dwyieithog a derbyn cyhoeddusrwydd rhad ac am ddim, cysylltwch â Rhys Wynne drwy ffônio/anfon ffacs at 01443 820913 neu e-bostio rhyswynne@mentercaerffili.org

Am fwy o wybodaeth ynghylch sut y gall yr iaith Gymraeg fod o fantais i’ch cwmni chi ac yn atyniad gwerthu unigryw, cysylltwch â Rhys Wynne yn Menter Caerffili. rhyswynne@mentercaerffili.org

Am ragor o wybodaeth am waith a digwyddiadau’r Fenter cysylltwch â
Lowri Pugh ar 01443 820913 / menter@caerffili.org

Menter Iaith Sir Caerffili - Elusen Gofrestredig rhif: 1105172 Cwmni Cyfyngedig Drwy Warant rhif: 5096968

^ Dechrau